Në Gjilan, ka ndërruar jetë Zijadin Maliqi, drejtor komunal për Buxhet, ka njoftuar familja e tij.
“Me pikëllim të thellë njoftojmë familjaret, miqt, dashamir dhe më gjërë sot me datë 25.08.2020 ka ndërruar jetë Zijadin Maliqi”.
Për pak javë Maliqi do t`i mbushte 65 vjet, por sëmundja nuk e la ta pres pensionimin.
Maliqi ishte i lindur më 28.10.1955.
Si ekonomist, para lufte, për 14 vite punoi profesor i lëndëve ekonomike si dhe në Këshillin kombëtar për financim.
Pas lufte punoi në Autoritetin Qendror Fiskal (AQF), drejtor për Buxhet në Komunën e Gjilanit, menagjer i Zyrës së Prokurimit, për një periudhë të caktuar ishte edhe ushtrues i detyres së Kryeshefit ekzekutiv si dhe këshilltar komunal, në disa mandate.
Vdekja e gjeti në detyrën e drejtorit të Buxhetit. Maliqi ishte njëri ndër njohësit më të mirë të politikave buxhetore dhe financiare.
