Përmes një komunikate për medie Zyra e Kryetarit të komunës së Vitisë i ka hedhur poshtë raportimet në disa media elektronike vendore se kinse kryetari Haliti, ka deklaruar se KFOR-i amerikan ka ndërprerë bashkëpunimin me këtë komunë, për shkak të tarifës ndaj produkteve nga Serbia dhe Bonsjë e Hercegovina.
Në këtë komunikatë Sokol Haliti veq tjerash ka thënë se deklaratat e tij janë keqinterpretuar dhe keqkuptuar si pasojë e plasimit dhe formulimit jo të drejtë të tyre. Kryetari Sokol Haliti ka thënë se, përkundrazi, Komuna e Vitisë ka kontakte të rregullta dhe raporte të shkëlqyeshme me KFOR-in.
“Gjatë ditës së sotme disa media kanë shkruar se gjoja kryetari Sokol Haliti paskësh thënë se KFOR-i amerikan ka anuluar të gjitha doancionet dhe ndihmat për këtë komunë, për shkak të tasës 100%. Ka qenë një riaktualizim i një lajmi të mëhershëm për anulimin e një takimi nga Ekipi ndërlidhës për shkak të situatës së krijuar. Ky është një lajm i paradoditësh.
“Ne kemi bashkëpunim të shkëlqyer me KFOR-in, na kanë sjellë edhe ndihma për shkak të situatës së krijuar nga virusi Covid-19, unë jam i preokupuar me Koronavirusin, pasi jemi një ndër komunat më të prekura, kurse portalet merren me lajme të tilla. Deklarata ka qenë në përgjithësi e jo vetëm për Vitinë. Të gjthë e njohin kontributin e rëndësishëm dhe rolin kyç që forcat paqeruajtëse po e luajnë në Kosovë, e rrjedhimisht edhe në Viti. Prandaj raportimet jo të plota apo të dezorientuara, qoftë edhe pa qëllim, janë të papapranueshme dhe nuk i kontribuojnë klimës së shëndoshë të bashkëpunimit midis Komunës së Vitisë dhe Forcave paqeruajtëse të KFOR-it në Kosovë”, thuhet në komunikatën e Zyrës së kryetarit të Komunës së Vitisë, Sokol Haliti. Aziz Zuka
