Gjilan

LDK i kundërpërgjigjet PDK-së

Përkitazi me reagimin e fundit të degës së PDK-së në Gjilan, lidhur me akuzat ndaj nënkryetarit të LDK-së dhe kryetarit të Gjilanit, Lutfi Haziri për kinse punësimet në “Eco-Higjiena”, Dega e LDK-së në Gjilan njofton opinionin se këto nuk qëndrojnë fare, janë të pavërteta dhe tendencioze.

LDK e Gjilanit, të cilës i prinë kryetari ynë Lutfi Haziri, ka kohë që nuk merret me deklaratat e kësaj partie opozitare, e cila vazhdimisht shpifë duke tentuar t’i manipulojë qytetarët e Gjilanit.

Kjo parti opozitare e ka tepruar me deklarata nën maska dhe i ftojmë për heqjen e maskave. Qytetarët e Gjilanit e dinë edhe e mbajnë në mend mirë aferën “Pronto” kur Zenun Pajaziti tenton ta punësoj vëllaun e vet.

Dega e LDK-së në Gjilan fton kryetarin e degës së PDK-së, Zenun Pajaziti, që t’i lidhë zagarët e tij dhe të dalë me deklarata në emër të tij.

Fshehja pas disa anonimusve, të cilët nuk e kanë kaluar Llabjanin me autoritet, e ka bërë Zenunin palaço. E ka bërë për gjynah!

 

You Might Also Like