Isha shumë i lumtur dhe i gëzuar kur u nisa nga Gjermania për në vendlindje në Kosovë për të kaluar pushimet pas një kohe të gjatë .Isha shume i lumtur se do të takoj familjarët miqtë dhe shokët dhe të çmallem me ta për disa ditë pushimi, por më ngjau ajo çka kurrë nuk e kam pritur madje as të imagjinoj se ky “pushim” që kisha planifikuar të më kaloj si është më zi, madje edhe të sorollatem në gjykatë në Viti, sikur ndonjë “kriminel”?!!! Kështu e nisi rrëfimin e tij për gazetën tonë, mergimtari Basri R.Zuka nga Pozharani i cili tash e disa vjet jeton dhe punon në Gjermani. Ai ka vazhduar rrëfimin e tij duke dhënë detaje se çka i ka ndodhur.”Me të hy në vendkalimin kufitar në Kosovë te Dheu i bardhë me erdhi befasia e parë e pakëndshme kur te vetura gjatë legjitimimit tim dhe të anëtarëve të familje policia më “njoftuan” se duhet të shkoj me ta për të marrë një deklaratë. E deklarata ishte se “Ju keni një fletëdenoncim nga Inspekcioni i Vitisë dhe se duhet të shkoni urgentisht në Gjykatë në Viti. U befasove keq. Iu thash se unë nuk kam bërë asgjë jashtë ligjit dhe se ndoshta jeni duke gabuar por ata për të bërë punën e tyre dhe porositë nga Gjykata ma konfiskuan Pasaportën!!!!!! Vërtetë kjo edhe më shumë me befasoi për të keq edhe pse policia gjatë intervistimit u sollën mirë. Unë nuk kisha ku të shkoj pa pasaportë sepse planifikoja të shkoja disa ditë në bregdetin shqiptarë . Po atë ditë në ora 10 pa hyrë fare tek familjarët me sugjerimin që ma bënë policia kufitare u detyrova të shkoj në Gjykatë në Viti.
Po edhe aty vazhdon Basriu, më priti befasia tjetër ku në gjykatë përkatësisht tek gjykatësi ku ishte lënda ime për kundëravjtja gjoja qe kamë bërë më tha se ne ende nuk jemi të përgatitur për lëndën tende sepse duhet lajmëruar prokurorin për këtë lëndë .U ktheva nga gjykata i zhgënjyer me shpresë se do të përfundon ndonjë ditë tjetër sa jam këtu kjo “odiseadë” e imja që më kishin inskenuar institucionet komunale të inspektoratit dhe gjyqësore të komunës së Vitisë, por kjo nuk ndodhi.
Me erdhi ftesa për në gjykatë dhe e prita me padurim këtë që të ballafaqohem me ata të cilët më kanë denoncuar pa kurrëfarë baze ligjore se gjoja jam uzurpator i pasurisë publike duke e cilësuar si uzurpim “ mbjelljen “ e tri fidanëve gjelbëruese larg pronës sime për vetëm dy metra !.Por Ajo çka i ndodhi këtij mërgimtari për herën e dytë në gjykatë është e habitshme, e patolerueshme ngase aty kësaj radhe ishte prokurori i rastit një femëre por e njëjta në vend se të më akuzoj me fakte më bënte presion që të pranoj fajin të pranoj se jam fajtor, jam uzurpator por unë kategorikisht refuzova këtë dhe i thash se nuk pranoj të pranoj një faj që nuk e kamë bërë.
Kërkova që të ballafaqohem me ata inspektor të cilët më kanë denoncuar se gjoja jam uzurpator i pronës publike dhe me fakte të tregoj në gjykatë se as që kamë qenë ndonjëherë i njoftuar me këtë denoncim, as njëherë nuk kamë nënshkruar ndonjë procesverbal të bërë në vendin e ngjarjes se gjoja jam “uzurpues” i pronës publike sepse kjo ka ndodhur gati para dy vitesh. Basriu thotë inspekcioni komunal i Vitisë këtë denoncim e ka bërë qëllimisht sa për të arsyetuar se është duke bërë ndonjë pune e vetë bënë veprime kundërligjore sepse vendos objekte në pronë publike me leje të “bajram begut” pa kurrëfarë vendimesh të Kuvendit komunal. Përfundon ai duke u shprehur i zhgënjyer se si mërgimtarët po trajtohen në këtë mënyrë dhe se është i lumtur që ndoshta vitin tjetër do të jetë krejt ndryshme me sjelljet e organeve tona shtetërore ndaj mërgimtarëve. E tani jam i lumtur që së paku ma kthyen pasaportën time dhe nuk e “Burgosën “ të njëjtën, thotë si me ironi mërgimtari. Aziz Zuka
