Gjilan, 2 prill 2025 – Prokuroria Themelore në Gjilan, gjatë ditës së sotme, u vizitua nga prokurorët e Zyrës së Kryeprokurorit të Shtetit, z. Aleksandër Lumezi, z. Bahri Hyseni dhe znj. Laura Pula, në bazë të vendimit të U.D. Kryeprokurorit të Shtetit z. Besim Kelmendi, në kuadër të vizitave nëpër prokuroritë themelore.
Gjatë kësaj vizite, të njëjtit u pritën nga Kryeprokurori i Prokurorisë Themelore në Gjilan, z. Arben Kadriu, qëllimi i së cilës ishte verifikimi i zbatimit të dispozitave ligjore lidhur me efikasitetin e trajtimit të kallëzimeve penale nga Prokuroria Themelore në Gjilan.
Gjithashtu, gjatë takimit u theksua rëndësia e efikasitetit të trajtimit të lëndëve, e posaçërisht të rasteve në hetime.
