Telegram ngushëllimi për ndarjen nga jeta të gazetarit sportiv, Milaim Krasniqi
Sport Club Gjilani dërgon telegram ngushëllimi për familjen Krasniqi dhe gjithë komunitetin e gazetarisë sportive në vend për humbjen e doajenit të gazetarisë sportive Milaim Krasniqit.
Milaim Krasniqi i dha shumë gazetarisë sportive e bashkë me të edhe futbollit të Kosovës.
Ai ishte zëri kumbues i futbollit kosovar që nga ditët e para të pasluftës nëpërmjet valëve të radios.
Ikja e tij e hershme nga kjo botë është një humbje e madhe për familjen, miqtë dhe për gazetarinë sportive.
Në këto momente të vështira qëndrojmë afër familjes Krasniqi dhe tërë kolegëve e miqve të tij.
Me pikëllim të thellë,
Sport Club Gjilani
