Gjatë ditës së djeshme kanë humbur jetën tre kosovarë nga Gjilani në Shqipëri, pasi të njëjtët janë helmuar me ushqim.
Sot familjarët e tri viktimave kanë mbajtur një konferencë për media, ku kanë ngritur dyshime mbi vdekjen e familjarëve të tyre.
Djali i të ndjerit tregoi se familjarët kanë pasur edhe një qen dhe sipas tij, është shumë shqetësuese ngordhja e tij pasi ai nuk e han ushqimin e njëjtë me njerëzit.
“Problemi që më shqetëson më së shumti është se e kemi pasur një qen, është shqetësuese pse ngordhi qeni pasi qeni nuk han ushqim si ne dhe kjo më lë të mendoj se kjo vdekje është shumë e dyshimtë”.
“Dyshimi rrjedh ngase edhe qeni ka ngordhur, por qeni nuk han kërpudh,a ai e han ushqimin e tij”.
Familjarët e viktimave shtuan se nuk do të thonë e as hedhin akuza derisa mjekësia ligjore ta thotë fjalën e fundit.
Varrimi i tre anëtarëve të familjes Haliti do të bëhet në varrezat e qytetit të Gjilanit duke filluar nga ora 16:30.
Për t’u informuar më shumë rreth kësaj ngjarjeje, klikoni në linkun e mëposhtëm./klankosova