Sport Club “Gjilani” është vizituar nga ish-futbollisti i tij, Ardian Bajraliu, i cili ishte pjesë e klubit për disa vite më radhë, njëherit edhe produkt i akademisë së klubit.
Bajraliu, i cili tashmë jeton dhe vepron në botën perëndimore ka vizituar futbollistët dhe stafin teknik gjatë seancës stërvitore të ditës së mërkurë, derisa ka inkurajuar grupin që të vazhdojnë rrugëtimin drejt objektivave që janë vendosur.
Me rastin e vizitës së Bajraliut, drejtori Teknik i klubit, Sallah Sherifi e ka nderuar atë me fanellën zyrtare, duke e falënderuar atë njëherit për kontributin e dhënë me fanellën ‘kuq e bardh’ dhe vizitën që i’a bën vazhdimisht ekipit, gjithmonë kur ndodhet në Kosovë.
Bajraliu falënderoi në fund stafin dhe klubin ku është rritur, derisa premtoi që do jetë një mbështetës i madh i tyre në vazhdimësi.
