Skuadra e fundit në tabelën e Superligës, Besa e Pejës, është përshëndetur me fitore nga elita e futbollit kosovar.
Pejanët të cilët i kishin humbur shpresat edhe matematikisht për mbijetesë xhiro më parë, në ndeshjen e fundit të stinorit arritën fitore me rezultat minimal ndaj Gjilanit 1-0, skuadër kjo e cila po ashtu hyri pa ambicie në këtë ndeshje.
Goli i vetëm në ndeshje u shënua nga Ardit Tahiri.
Pas këtij rezultati skuadrat nuk kanë ndryshuar vend në renditje duke përfunduar Gjilani në pozitën e katërt dhe Besa në pozitën e fundit, atë të dhjetë.
