Na mirëpriti sot kompania prodhuese GridGroup, ku nga afër pamë punën e përkushtimin e tyre në prodhimin e rrjetave për fasadim.
Kompani serioze, që eksporton në mbi njëzet shtete perendimore.
Diskutuam rreth sfidave që aktualishit po ballafaqohen bizneset prodhuese në vendin tonë, e si
tek shumica prej tyre, mungesa e punëtorëve është evidente.
Edhe këtu u zotuam që ne do të punojnë fuqishëm në krijimin e kushteve adekuate për biznese!
ON TRADE FAB SH.P.K është kompania tjetër ku u ndalëm për vizitë.
Kompani serioze që merret me rregullimin e kontenjerëve, e sikurse shumica e ndërmarrjeve tjera ka edhe sfidat e saj.
Bashkëbiseduam për programin tonë #MaMirë për biznese, e për të cilat premtuam realizim.
Pata kënaqësinë e veçantë që sot ta vizitoj edhe qendrën e sindromës Down, ku bashkëbiseduam ngrohtësisht me menaxherët e kësaj qendre, të cilët përkundër sfidave financiare po arrijnë t’i japin shërbimet e nevojshme për fëmijët.
Programi jonë për mirëqenien sociale në përgjithësi, e në veçanti për personat me aftësi të kufizuar, është programi më i mirë e më serioz.
Kemi punuar gjatë e me përkushtim, sepse përtej obligimit ligjor, ai moral vije i pari.
Prandaj, u zotuam që nënat e fëmijëve me aftësi të kufizuar nën 18 vjet, do të përfitojnë mbështetje mujore prej 200 euro. Ndërkaq fëmijët me aftësi të kufizuar deri në 18 vjet (që sipas QPS-së janë 176 fëmijë aktualisht) do të përfitojnë shtesë 100 euro plus çdo muaj!
