LDK vazhdon me takime me qytetarë

Sot pata nderin e veçantë të vizitoj familjet e shquara të Rexhep Malës dhe Nuhi Berishës, dy heronjëve që dhanë jetën për lirinë e Kosovës dhe qëndresën tonë kombëtare.

Rexhep Mala dhe Nuhi Berisha ishin njerëz të jashtëzakonshëm, aktivistë të palodhur dhe simbol i sakrificës për të ardhmen e vendit tonë.

Ata u angazhuan për lirinë, për vetëdijen kombëtare dhe nuk u dorëzuan kurrë para dhunës dhe shtypjes.

Në emrin tim personal, dua t’i falënderoj nga zemra për mikpritjen e ngrohtë dhe bisedat e sinqerta familjet heroike Malaj dhe Berisha.

Njohja e historisë së tyre dhe e vlerave që na lanë pas, na bën më të fortë dhe më të bashkuar në rrugën për një Kosovë dhe një Gjilan më të mirë e më prosperues.

Unë premtoj se, do të punoj me përkushtim dhe drejtësi, duke e dërguar përpara Gjilanin tonë të bukur, duke ruajtur vlerat dhe duke i dhënë hapësirë rinisë, kulturës, arsimit dhe zhvillimit ekonomik.

Sakrifica e Rexhep Malës dhe Nuhi Berishës do të jetë gjithmonë një udhërrëfyes për punën tonë të përbashkët për një të ardhme shumë më të ndritur.

Falënderime dhe nderime të mëdha familjeve për mikpritjen dhe për shembullin e tyre të jashtëzakonshëm.

Bashkë do ta bëjmë Gjilanin e ri qytet të shpresës e të besës për të gjithë ne!

Familja e Burim Elezit të mbushë me vullnet dhe përplot shpresë për të ardhmen e Gjilanit të ri.

Një familje e fortë dhe e bashkuar, që reflekton vlerat e punës, integritetit dhe përkushtimit ndaj qytetarëve.

Burimi, kandidati ynë për Asamblenë Komunale me numrin 35, është një frymë e re politike që e do qytetin, që dëgjon qytetarët dhe do të sjell zgjidhje konkrete për problemet reale të bashkëqytetarëve.

Ky tubim madhështor i kësaj familje na bëri të kuptojmë edhe më shumë se ndryshimi fillon nga bashkimi i qytetarëve rreth vizionit të përbashkët për Gjilanin e ri.

Me Burimin në Asamble, qytetarët do të kenë një zë të fuqishëm dhe të ndershëm përfaqësues në vendin më meritor të tyre.

Çfarë ndjenje e mirë është të vizitojmë familjet e çmuara gjilanase në çdo cep të qytetit tonë, për të konfirmuar fuqinë e përkrahjes qytetare dhe lidhjen tonë të përbashkët për Gjilanin e ri.

Sot patëm kënaqësinë të vizitojmë familjen Hajrullahu, ku na mirëpriti me shumë ngrohtësi z. Njazi Hajrullahu, djali i të ndjerit Gani Hajrullahu.

Me respekt të thellë kujtojmë veprën dhe kontributin e Ganiut, i cili mbetet frymëzim për të gjithë ata që e duan vendin me dinjitet.

Ai ishte një patriot dhe intelektual i shquar, i cili ka dhënë shumë për Republikën dhe për Gjilanin.

Falënderim të veçantë për z. Njazi dhe mbarë familjen Hajrullahu për mikpritjen e ngrohtë, për dashurinë, përkushtimin dhe mbështetjen e sinqertë që po e japin në këtë rrugëtim të përbashkët.

Mbështetja juaj është dëshmi se ndryshimi që po e ndërtojmë bashkë ka themele të forta tek njerëzit e ndershëm, punëtorë e me shpirt atdhetar.

Çdo hap i juaji, çdo përkrahje dhe çdo fjalë e mirë, po e forcon edhe më shumë rrugën tonë drejt fitores së madhe të Gjilanit të ri.

Faleminderit për besimin, për mikpritjen dhe për shpirtin e bashkimit që e mbani me krenari.

Bashkë për Gjilanin e ri që e duam dhe e aspirojmë të gjithë!