Futboll

Ekipet gjilanase ballafaqohen me ato mitrovicase

Dy ekipet nga Gjilani, Drita dhe Gjilani do të kenë punë me ekipet mitrovicase këtë të mërkurë. Drita në fushë të vet pret Trepçën, kurse Gjilani është mysafirë i Trepçës ‘ 89.

Drita ka rastin më të mirë që të shënojë fitore, ngase e pret Trepçën, që sivjet nuk i ka punët mirë. Drita në ballafaqim me Trepçën vie pas humbjes që pësoi nga Prishtina këtë të diele, por ekipi gjilanas që deri më tashti ka arritur vetëm një fitore, atë e ka arritur pikërisht ndaj Trepçës në xhiron e parë.

Në anën tjetër, Gjilani do të jetë mysafirë i Trepçës ’89, ekip ky që po tregon formën më të mirë në këtë kampionat. Në ndeshjen e xhiros së parë të zhvilluar, Trepça ’89 pati mposhtur Gjilanin me rezultat 2:1, ndonëse  minutat e fundit të ndeshjes i kishte zhvilluar me dy lojtarë më pak në fushë. Gjilani që po tregon një formë të mirë, gjë të cilën e dëshmoi në ballafaqim me Besën, ndaj të cilës ia arriti që të nxjerr një pikë, pritet që të jetë arrë e fortë edhe për Trepçën ’89.

Trepça ’89 para kësaj xhiro zë vendin e parë me 30 pikë të tubuara, Gjilani është i gjashti me 17 pikë, Drita zë vendin e njëmbëdhjetë me 5 pikë, po aq sa ka edhe Trepça, por që është në vendin e dhjetë.

You Might Also Like