Gjilan, 24 shtator
Në kuadër të projektit “Shtëpitë Shkolla”, Space SyntaKs fillon dokumentimin e “Shtëpive Shkolla” që nga vitet ’90, përfshirë edhe ato në Gjilan.
Drejtori i Arsimit në Komunën e Gjilanit, Shpend Nuhiu, tha se janë të lumtur të njoftojnë lidhur me nënshkrimin e marrëveshjes së bashkëpunimit me drejtoreshën ekzekutive të Space SyntaKs, Gresa Nezirit Drejtoreshë.
Më tej ai tregoi se të dhënat e mbledhura do të publikohen në platformën e tyre digjitale: www.shtepiteshkolla.org.
“Faleminderit të gjithëve që mbështesin këtë iniciativë të rëndësishme për ruajtjen e trashëgimisë sonë arsimore”, tha drejtori i Arsimit Shpend Nuhiu.
