Në ndeshjen e parë gjysmëfinale në Play-Off KV Drita nga Gjilani në ndeshjen e luajtur në Palestrën e Sporteve “Bashkim Selishta – Petriti” në Gjilan ka shënuar fitore me rezultat 3-1 në sete kundër KV Pejës.
Ekipit gjilanas i duhet edhe një fitore pas një jave, në ndeshjen e dytë për të kaluar në finalen e madhe.
Në ndeshjen tjetër, KV Ferizaj ka arritur një fitore të rëndësishme respektivisht duke prekur me njërën këmbë finalen e madhe të Play-offit, pasi në ndeshjen e parë gjysmëfinale mposhti Skënderbeun, të dielën mbrëma.
Ferizajasit triumfuan me rezultat 3-0 (25:23–25:19–25:23), në palestrën “Bill Klinton”.
Nikoqirët dominuan ndeshjen, me Skënderbeun që tregoi rezistencë të fortë në setin e parë dhe të tretë, por që ishte e pamjaftueshme për ta evituar disfatën.
Ferizaj tash është vetëm një fitore larg finales, ndërsa Skënderbeu do të mundohet të bëjë çmos ta çojë këtë gjysmëfinale edhe në ndeshjen e tretë.
