Shefik Surdulli
Mos thuej që m’ke pa
Përtej një laure
një gardhi n’sokak
Shndritë nuri i malësores
buzagaz
shtathedhur
gërshetin mbi gjoks
me këmishë t’qëndisur
shkumcue
tek ecë fillikat
Atje te ara e gjatë
kohën e matë me hije
deri t’soset dita
nata me ra
Të ikë shpejt te kroni
k’natën me mbushë
Andrrën t’gjallë me bâ
I ban rixhá hanës
Mos thuej që m’ke pa.
©️ shs
(e risjellë)
