Shkruan: Refik Hasani
Me rastin e mbajtjes së protestës paqësore me mbështetje gjithëpopullore, kundër Serbisë që vazhdon diskriminimin në vendbanime shqiptare.
Nën organizimin e Këshillit Organizativ,
Kuvendit Kombëtar Shqiptar për Kosovë, në bashkëpunim me Unionin Shqiptar, të Shoqërisë Civile,
Të nderuar pjesëmarrës nga gjithë hapësirat tona shqiptare,
Ju drejtohem bashkëvendasëve këtu nga Kryeqendra e Kosovës-Prishtina, prandaj para së gjithash, më lejoni që në këtë protest paqësore me mbështetje gjithëpopullore të shprehim e manifestojmë në mbrojtje të trojeve stërgjyshore
të Rajonit të Preshevës, Medvegjës dhe Bujanocit.
Ne Shqiptarët, në Serbi jetojmë në kushte pushtimi klasik, u jemi ekzpozuar frikës, urrejtjes, militarizimit, nën tendenca të vazhdueshme për shpërngulje, asimilim e pastrim etnik.
Ndaj nesh Serbia, vazhdon shkelje, cenim, mohim të së drejtës në përfaqësim proporcional me numrin e banorëve, aktualisht jemi si një ndër Rajonet më të pazhvilluara dhe më të diskriminuara në gjithë Evropën, një tretman që ka prekur kufinjtë e segregacionit, racizmit dhe aparteidit, dhe i themi:
STOP-Diskriminimit përmes pastrimit etnik-pasivizimit, zhvendosjes dhe dëbimit,
STOP-Diskriminimit në përdorimin e Gjuhës Shqipe, të Simbolit Kombëtarë, në investime e Përfaqësime
Në këtë protestë paqësore me mbështetje gjithëpopullore, ngrisim zërin e artikuluar që të pranohet vullneti i shprehur në mënyrë plebishtare Referendumi i datës 1 e 2 mars 1992, kërkojmë zbatimin e marrëveshjes së Konçulit, në jetësimin e marrëveshjes për formimin e Bashkësive të komunave të Preshevës, Medvegjës, e Bujanocit, kërkojm kthimin e Lapidarit të UÇPMB-ës në Preshevë.
Ne, nga Krahina shqiptare e mbetur padrejtësisht nën administrimin e Serbisë, më së shumti kemi arsye të protestojmë, të ndalen kurdisjet e gjygeve politike ndaj Ushtarëve të UÇPMB-ës, që të lëvizim lirshëm dhe Beogradi të demilitarizoj dhe heqë bazat e shumta ushtarake nga vendbanimet shqiptare veçmas me zonat kufitare me Republikën e Kosovës, të cilat prodhojnë pasiguri dhe presion të vazhdueshëm për shpërngulje.
Nga kjo protestë paqësore, apelojmë tek mekanizma e instanca të BE-ja, të vlen Reciprociteti, se të drejtat e njëjta të cilat do t’i kenë serbët në Kosovë, duhet t’i kenë edhe shqiptarët në Serbi, kështu të mbrojnë të njëjtat standarde edhe për Preshevë, Medvegjë, e Bujanoc, të vizitojnë e rrisin prezencën dhe monitorimin si OSBE-ja duke garantuar të drejtat indviduale dhe kolektive, shqiptarët nga Krahina e Sanxhakut dhe Preshevë, Medvegjë, e Bujanoc, të përfaqësohen me vende të rezervuara në Parlamentin e Serbisë.
Prishtina dhe Tirana zyrtare, kanë obligim kombëtar, me politika proaktive, dhe të përfaqësojnë interesat edhe të kësaj krahine përmes një platforme të përbashkët, kur është në pyetje Referendumi i datës 1 e 2 mars 1992, kryengritja e aramatosur e dhe sakrifica për liri e UÇPMB-ës, etj.
Subjektet politike gjithnjë të jen dhe të paraqiten me kërkesa të artikuluara dhe me qëndrim të unifikuara.
Lavdi të gjithë të rënëve e të gjitha kohërave dhe ata që kanë kontribuar për lirin dhe mbajtjen gjallë të Preshevës, Medvegjës, e Bujanocit.
