Gjilan, 25 gusht 2023
Drejtoria rajonale e Policisë Gjilan, njësiti rajonal i trafikut rrugor Gjilan dhe njësiti patrullues i Stacionit Policor Kamenicë, me datën 24.08.2023 në kuadër të zbatimit të planit operativ, në dy raste të ndara njërin në aksin rrugor Gjilan-Prishtinë dhe tjetri në fshatin Rogoçicë, në kuadër të zbatimit të planit operacional ,,Siguria në trafikun rrugor’’ kanë mbajtur pika të kontrollit të automjeteve.
Në këto pika të kontrollit kanë hasur në njërin rast në një kundërvajtës i cili në zonën ku kufizimi i shpejtësisë së lejuar është pesëdhjetë (50) km/h duke vozitur me shpejtësinë njëqind e katërmbëdhjetë (114) km/h dhe në rastin e dytë kundërvajtës i cili në zonën ku kufizimi i shpejtësisë së lejuar është dyzet (40) km/h duke vozitur me shpejtësinë njëqind e njëzet e tetë (128) km/h .
Ndaj që të dy kundërvajtësve veç e veç janë shqiptuar gjoba në vlerë prej treqind (300) euro, tri (3) pikë negative dhe masën e përkohshme të ndalim vozitjes në afat prej tre (3) muaj.
Drejtoria rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 0385045047001.
Të dhënat e juaja do të ruhen ne konfidencialitet të plotë.
