Besar Musolli dhe Armend Halili janë futur nga hyrja kryesore e qendrës “Albi Mall” për të parakaluar nga “Porta e spektaklit” në të cilën është vendosur fanella e klubit me firmat e gjithë futbollistëve dhe më pas kanë bërë shpërndarjen e trikove për fituesit e lojës shpërblyese.
Tifozët me fat që patën mundësi të merrnin fanellat e firmosura nga protagonistët ishin Valon Selishta dhe Nazmi Veseli.
Eventi i organizuara nga Federata e Futbollit e Kosovës, në bashkëpunim me “Albi Mall” është bërë në vigjilje të hapjes së stinorit pranveror në kampionatin elitar, derisa ka afruar edhe më shumë klubet me tifozët.
Figurat e futbollistëve, si dhe fanella zyrtare, e cila është e shoqëruar me historikun e klubit do të qëndrojnë të vendosura në këtë qendër tregtare dhe janë në dispozicion të tifozëve për të krijuar imazhe kujtimi.
Sport Club Gjilani do të jetë në vazhdimësi afër tifozëve, ashtu siç qëndrojnë ata besnik afër nesh në çdo moment.
