Gresa Avdiu, këshilltare e AAK-së është nderuar me mirënjohje nga Shoqata Handikos në Gjilan. Në postimin e saj ajo ka shkruar:
“E nderuar që sot, me 3 Dhjetor – Ditën Ndërkombëtare të Personave me Aftësi të Kufizuar, të nderohem me mirënjohje nga Handikos në Gjilan, në krye me z. Fatmir Shurdhani, për mbështetjen e dhënë në Kuvendin Komunal për këtë komunitet kaq të dashur.
Nderi që më është bërë sot më emocionoi, por mbi të gjitha më ngarkoi me përgjegjësi edhe më të madhe, për t’i qëndruar afër me çdo mundësi që kam kategorisë më të dashur që e kemi si shoqëri.
Faleminderit për vlerësimin që më keni bërë dhe për bashkëpunimin që kemi pasur gjatë këtij viti! “.
