“Ne si prindër të fëmijëve të çerdhes “Gëzimi Ynë” në Viti jemi të lodhur nga situata e vështirë me fëmijët tanë që ka derivuar si pasojë e grevës së stërzgjatur të organizuar nga SBAShK, pasi përveç humbjeve që po pësojnë fëmijët tanë, edhe ne si prindër po detyrohemi të qëndrojmë në shtëpi për tu kujdesur për ta, me çka po rrezikojmë të humbasim vendet e punës”, thuhet në reagimin e tyre.
Tutje, thuhet se në rast se organet drejtuese të çerdhes, pengojnë nxënësit dhe prindërit, do të organizojnë një protestë dhe do të kërkojnë intervenimin e organeve shtetërore.
Në një njoftim të tyre vec tjersh ata kanë bërë me dije se :
“Ne si prindër të fëmijëve të çerdhes “Gëzimi Ynë” në Viti jemi të lodhur nga situata e vështirë me fëmijët tanë që ka derivuar si pasojë e grevës së stërzgjatur të organizuar nga SBAShK, pasi përveç humbjeve që po pësojnë fëmijët tanë, edhe ne si prindër po detyrohemi të qëndrojmë në shtëpi për tu kujdesur për ta, me çka po rrezikojmë të humbasim vendet e punës.
Ne, unanimisht kemi vendosur që të hënën (19 shtator, 2022) nga ora 08:00 t’i dërgojmë fëmijët në çerdhen e tyre publike “Gëzimi Ynë” në Viti, pasi nuk po mundemi të përballojmë më këtë situatë.
Ne si prindër, nuk jemi kundër të drejtave të edukatoreve për të kërkuar rritje të pagës, por mendojmë se ato duhet të gjejnë forma dhe alternativa të tjera të protestës dhe jo t’i mohojnë fëmijëve tanë të vegjël të drejtën kushtetuese për tu edukuar në çerdhet publike.
Ju bëjmë thirrje drejtorisë dhe edukatoreve që ditën e hënë t’i pranojnë fëmijët tanë në çerdhen e tyre “Gëzimi Ynë” dhe mos të rezistojnë ndaj kërkesës tonë legjitime, në funksion të ruajtjes së raportit të shëndosh prindër-edukatore dhe mos të bien pre e presioneve të ndryshme për ta eskaluar situatën dhe prishjen e këtyre raporteve.
Ftohen edhe mediat që të jenë prezentë të hënën (19 shtator, 2022) nga ora 08:00 në hyrjen e çerdhes “Gëzimi Ynë” në Viti,thuhet ne njoftimin e tyre publik.
Aziz Zuka
