Pensionohet Dr.Abedin Salihu pas plotë 28 vjetësh punë në përkujdesje të pacientëve në fushën e Internistikës pranë Spitalit të Përgjithshëm në Gjilan.
Sot pas 28 viteve shërbimi e përkujdesje ndaj pacientëve u pensionua mjeku specialist – internist Dr.Abedin Salihu. Spitali i Përgjithshëm në Gjilan falënderon Dr.Abedin Salihun për kontributin shumëvjeçar që ka dhënë dhe i dëshiron shëndet e çdo të mirë për të dhe familjen e tij.
Dr.Abedini ka lënë gjurmë pozitive kudo që ka punuar e vepruar, ai sot është pensionuar duke e kryer me shumë ndërgjegje e krenari karrierën e tij prej profesionisti. Për këtë ditë të veçantë të tij janë bërë shumë urime e komente për pensionimin e tij.
“Në emër të menaxhmentit shprehim mirënjohjen e përhershme për kontributin shumëvjeçar në Shëndetësi duke i dëshiruar shëndet të plotë në vazhdim të jetës së tij, thuhet në njoftimin e Spitalit të Përgjithshëm të Gjilanit.
