Gjilan

Haziri ngushëllon familjen Shabani me rastin e ndarjes nga jeta të veprimtarit Xhelal Shabani

Gjilan, 17 shtator 2020 – Me rastin e ndarjes nga jeta të veprimtarit, Xhelal Shabani, kryetari i Komunës së Gjilanit, Lutfi Haziri, i ka dërguar një telegram ngushëllimi familjes Shabani. Në telegram, thuhet:

“E nderuara familje Shabani,

Me pikëllim të thellë e mora lajmin për ndarjen nga jeta të familjarit tuaj dhe të veprimtarit, Xhelal Shabani.

Xhelali ishte personalitet i vecantë dhe i përkushtuar ndaj familjes e vendit dhe veprimtar i palodhshëm, duke dhënë kontribut të gjithanshëm me aktivitetet e tij.

Duke e njohur si shembull, sot asgjë nuk mund ta mbush zbraztirën e humbjes së tij, por lutem që i me veprat e tij të mira të jetë kujtim i mirë për të gjithë ata që e kanë njohur.

Familje e nderuar Shabani, miq, shokë dhe kolegë të Xhelalit, në këto momente të rënda kur vendi po ballafaqohet me pandeminë e në pamundësi të vizitës, në emrin tim dhe të qytetarëve të Gjilanit  ju shpreh ngushëllimet më të sinqerta.

Zoti ua lehtësoftë dhembjen!”, thuhet në telegram.

You Might Also Like