Klubi i Xhudos Gjilani është kthyer me tetë medalje nga Turneu Ndërkombëtar i Xhudos “Kotori 2025” që është mbajtur në Kotor të Malit të Zi. Është ky edhe një sukses kosovare dhe i këtij kolektivi të vyeshëm, që me plot sukses po udhëhiqet nga trajnerët Esat Selimi dhe Ibraim Hasani.
Gjithësesi se meritë të veçantë në këtë sukses ka edhe trajneri dhe punëtori i palodhur Drini Rexhepi, i cili nuk ka kursyer mund dhe djersë vetëm e vetëm që suksesi i ekipit të jetë sa më i madh.
Siç ka theksuar kryetrajneri Ibraim Hasani, në Kupën e Kotorit 2025, xhudistët tanë treguan përkushtim dhe talent, duke u shpërblyer me medalje:
Anuar Bajrami – Vendi i parë,
Isra Halimi – Vendi i dytë,
Rilind Sylejmani – Vendi i dytë,
Sumea Ramadani – Vendi i dytë,
Luan Berisha – Vendi i dytë,
Agnesa Berisha – Vendi i tretë,
Lanika Bajrami – Vendi i tretë dhe
Ylljeta Sylejmani – Vendi i tretë.
Selimi e Hasani kanë uruar të gjithë xhudistët për suksesin dhe përfaqësimin e shkëlqyer, siukurse që kanë falënderuar edhe organizatoren Tanja Popoviq, për mikëpritjen dhe kanë shtuar se ata do të jenë të mirëpritur më datë 17 qershor, në turneun që do të mbahet në Gjilan. /kryelajmi.com/.
