Kamenicë

Merr mandatin 4 vjeqare kryetari i ri i Kamenices Kadri Rahimaj

Kadri Rahimaj është betuar sot si kryetar i Komunës së Kamenicës. Kuvendi Komunal i Kamenicës, ka mbajtur seancën inauguruese për mandatin katërvjeçare. Para anëtarëve të Kuvendit, betimin e ka bërë Kryetari i ri i kësaj komune, Kadri Rahimaj. Por kush është Kadri Rahimaj kryetari i ri i Kamenicës. Kadri Rahimaj, është kryetari më i ri për nga mosha i cili është zgjedhur nga qytetarët. Ai e fitoi garën në komunën e Kamenicës përball Qëndron Kastratit nga Partia Socialdemokrate. Rahimaj ka lindur në gusht të vitit 1991, në fshatin Kopërnicë të Kamenicës. Kadri Rahimaj, është 30 vjeçar. Rahimaj aktivitetin politik në Lëvizjen Vetëvendosje e ka filluar në Pikën e Lëvizjes VETËVENDOSJE! në fshatin Kopernicë, duke qenë për tetë vjet kryetar. Si student ka qenë pjesë aktive e organizatës studentore Studim Kritik dhe Veprim duke tentuar gjithmonë rritjen e cilësisë në arsimin e lartë, ndërsa më vonë ka qenë edhe udhëheqës i shkollës politike në qendrën e Lëvizjes Vetëvendosje në Kamenicë.

You Might Also Like