Përdorimi i gjuhës amtare është e drejtë e pamohueshme.
Shqiptarët autokton që jetojnë në truallin e tyre, që padrejtësish, të huajt e ndan nga trungu i mëmëdheut në vitin 1912, e që sot është pjesë e Maqedonisë së Veriut, përkundër faktit se përbëjnë rreth 40% të popullatës së përgjithshme, kontributit të tyre për ketë vend dhe luftës që e bënë për barazi me maqedonasit, ende po përballen me mohimin e të drejtave elementare kombëtare.
Edhe pse pas përfundimit të luftës shqiptaro – maqedonase të vitit 2021, u arrit një marrëveshje në mes të shqiptarëve dhe maqedonasve, në lidhje me të drejtat e shqiptarëve në Maqedoninë e Veriut, marrëveshja në pjesën më të madhe nuk po respektohet. Së pari për fajin e partive politike shqiptare, që më shumë janë të fokusuar në pozitat e tyre brenda pushtetit të udhëhequr nga maqedonasit, në të cilin shqiptarët kanë jashtëzakonisht pak ndikim, se sa për të drejtat kombëtare të atyre që i përfaqësojnë, pra shqiptarëve.
Fajtor natyrisht janë edhe pushtetarët maqedonas që të verbuar nga shovinizmi i tyre dhe urrejtja ndaj shqiptarëve, harrojnë se Maqedonia e Veriut nuk mund të funksionojë si shtet pa shqiptarët dhe se me shkelje të tilla nuk shkohet në Bashkimin Evropian.
Ky diskriminim i paimagjinueshëm për Evropën demokratike nuk është i dëmshëm vetëm për shqiptarët por edhe për maqedonasit, që nuk po e kuptojnë se shqiptarët nuk po kërkojnë mëshirë por po insistojnë në realizimin e të drejtave të tyre. Maqedonasit duhet ta kuptojnë se nëse vazhdojnë me shkelje të tilla do të ballafaqohen me probleme shumë serioze për të ardhmen e shtetit të tyre, që shtet edhe i shqiptarëve të Maqedonisë së Veriut.
Sidoqoftë, sikur shqiptarët të ishin këmbëngulës, në ushtrimin e të drejtave të tyre të natyrshme, këto të drejta nuk do të shkeleshin në asnjë mënyrë.
Duke mos e krye punën e tyre partitë politike shqiptare, studentët shqiptarë të Maqedonisë së Veriut, me të drejtë e kanë ngritur zërin e tyre për realizimin e të drejtës për përdorimin e pakufizuar të gjuhës shqipe në universitetet e Maqedonisë së Veriut dhe në të gjitha institucionet publike të këtij vend,i që synon të bëhet
anëtare e Bashkimit Evropian dhe t’i ruajë marrëdhëniet e mira me dy shtetet shqiptare me të cilat kufizohet, por para së gjithash të jetojnë me një shtet të përbashkët me shqiptarët.
Studentët me të drejtë kan ngritur zërin e tyre, por atyre pa humbur kohë duhet t’ju bashkohen partitë politike shqiptare që veprojnë në Maqedoninë e Veriut dhe jashtë saj, dy shtetet shqiptare, të gjithë shqiptarët kudo që janë dhe shtetet demokratike të Evropës, e më gjerë, që e promovojnë drejtësinë dhe barazinë në mes të njerëzve dhe komuniteteve, pavarësish përkatësisë së tyre.
Prill 2026
