Ministria e Shëndetësisë ka njoftuar se që prej dje kanë vdekur shtatë persona dhe janë regjistruar 173 raste të reja me koronavirus, raporton Express.
Këto raste janë konfirmuar pas testimit të mbi pesë mijë mostrave.
“Nga 5.095 testime, 173 qytetarë kanë rezultuar pozitiv me virusin COVID-19. Gjatë 24 orëve të fundit, janë shënuar 7 raste të vdekjes. Sot janë shëruar 1.434 qytetarë, derisa numri i përgjithshëm i të shëruarve është 148.781. Në total numri i rasteve aktive është 7.635”, ka njoftuar MSh’ja./Gazeta Express
