Gjilanasja Riona Sylejmani shkëlqeu në Sapienza Universita di Roma në metropolin botëror të modës
Ajo është vlerësuar me notë maksimale në Universitetin e Romës Sapienca edhe atë shtetin e modës në Itali, duke realizuar ëndrrën e saj të kamotshme të kryerjes së studimeve jashtë vendit.
Riona Sylejmani, ish-nxënëse e Gjimnazit Natyror “Xhavit Ahmeti”, këtë të hënë në Sapienza Universita di Roma, me sukses të jashtëzakonshëm ka mbrojtur temën e diplomës të nivelit master, me titull “Fuqizimi i gruas dhe moda në Itali dhe Kosovë gjatë viteve të nëntëdhjeta”, duke marrë titullin master në shkencat e modës, një lëmi e rrallë kjo tek ne. Ajo ka bërë një hulumtim të rëndësishëm, duke krahasuar modën në dy vende me karakteristika të ndryshme, Italinë, që konsiderohet si vendet prijëse sa i përket zhvillimit të kulturës së veshjes estetike dhe Kosovës, një vend në kushte krejtësisht të kundërta me Italinë, por që i cili gjithnjë ka mëtuar të jetë përkrah zhvillimeve në botë.
Puna e palodhshme e kësaj studenteje është shpaguar duke arritur suksesin maksimal 110. Ajo në këtë universitet prestigjioz është radhitur ndër pesë studentet më të mira në drejtimin shkencat e modës, duke u vlerësuar me notën maksimale dhjetë, gjë e cila e bënë krenare jo vetëm Riona Sylejmanin, familjen e saj e Gjilanin, por edhe tërë Kosovën.
Riona Sylejamni, është femra e parë nga Kosova që ka diplomuar në Sapienza Universita di Roma, në studime të modës e pikërisht ky universitet është në mesin e 150 universiteteve më të mira në botë./kryelajmi.com/.
