SC Gjilani ka qenë shumë afër fitores ndaj Fushë Kosovës, në ndeshjen që është zhvilluar në Lipjan, por në fund ndeshja ka përfunduar me rezultat të barabartë, shkruan kryelajmi.com.
Marrë në tërësi, Gjilani ka qenë ekip më i mirë se sa vendasit, por një pakujdesi në mbrojtje u ka kushtuar shumë.
Pas një mbizotërimi në fushë, Gjilani ka shënuar në minutën 40, kur një harkim të Bashës nga e djathta, qendërsulmuesi Jaroviq e ka dërguar në rrjetë për 0:1.
Në pjesëlojën e dytë, Gjilani ka sulmuar edhe më shumë dhe në një rast ka shënuar përmes Jaroviq, por gjyqtari pasi e ka shikuar situatën në sistemin VAR ka vërejtur se pati ndërhyrje të palejueshme në fazën e sulmit.
Kur u duk se gjërat po shkonin mirë, në minutën 76, Jashari me një gjuajtje nga largësia ka shënuar gol të bukur për rezultatin 1:1. Gjilani u mundua deri në fund që të arrijë fitoren, por në fund rezultati mbeti i pandryshuar./kryelajmi.com/.
