Takimet me përfaqësuesit politik nga Lugina e Preshevës gjithmonë janë frytdhënëse dhe të domosdoshme. Lidhja që egziston duhet të ruhet dhe të forcohet. Shqiptarët që jetojnë në Luginën e Preshevës, meritojnë mbështetje institucionale. Qeveria e Kosovës për këtë vit ka ndarë dy milionë euro, ndërsa Komuna e Gjilanit do të jetë gjithmonë e hapur për bashkëpunim dhe për të ndihmuar banorët shqiptarë të Luginës.
Çështja e paisjes me dokumenta të Republikës së Kosovës për banorët e Luginës së Preshevës, bashkëpunimi rajonal për IPA Crossborder si dhe diskutimi për Zyrën për Luginën, ishin disa nga temat kryesore që bisedova në takimin me zëvendësin e kryetarit të Preshevës z.Ragmi Mustafa. U dakorduam së bashku që do të angazhohemi për bursa shkollimi të studentëve që vijnë nga Lugina e Preshevës si dhe diskutuam për pikën e re kalimtare Sllubicë-Preshevë. Takime të tilla do të ketë përsëri dhe bashkëpunimet nuk do të mungojnë.
