Si përfaqësuese e shtetit të Kosovës, ndihem jashtëzakonisht e nderuar që kam mundësinë të jem pjesë e Festivalit Internacional WAF Awards & WAF Contest. Ky eveniment prestigjioz jo vetëm që vë në pah krijimtarinë dhe talentin e individëve nga e gjithë bota, por është gjithashtu një mundësi e shkëlqyer për të promovuar arritjet e shquara të profesionistëve dhe artistëve nga Kosova dhe Shqipëria.
Jam shumë krenare për rezultatet e jashtëzakonshme që talentët tanë kanë arritur në këtë kompeticion ndërkombëtar dhe besoj se ky është vetëm fillimi i vitit 2025 i një rrugëtimi të mrekullueshëm në fushën e artit dhe krijimtarisë muzikore. Përgjegjësia për të përfaqësuar Kosovën në këtë ngjarje të rëndësishme është një privilegj, dhe jam e bindur se do të vazhdojmë të shndërrojmë pasionin dhe punën e palodhur në suksese ndërkombëtare.
Arta Haziri-Nuhiu
