Kamenicë

Drejtues të degës së AAK-së morën pjesë në ditën e shkollës në Topanicë që mban emrin e Rexhep Malës

Në 72-vjetorin e lindjes së heroit tonë kombëtar, Rexhep Mala, sot bashkë me Komandantin e Zonës Operative të Karadakut, Ahmet Isufi, si dhe me bashkëveprimtar të heroit, morëm pjesë në ditën e shkollës në Topanicë të Komunës së Kamenicës e cila me krenari mban emrin e Rexhep Malës.
Po ashtu, me rastin e ditëlindjes së Rexhep Malës, u bë edhe promovimi i librit që mban titullin “Rexhep Malaj në kujtimet e mia”, të autorit Sherif Sherifi.
Gjithmonë tek shqiptarët pati emra të mdhenjë që lanë gjurmë të pashlyera në historinë e mbushur plot me lavdi e data të rëndësishme që mundësuan kthesa historike. Edhe Rexhep Malaj përveç që u bë pjesë e pandashme e historisë së kombit shqiptar, ai u bë edhe frymëzim për shumë breza në të gjitha etapat e mëvonshme historike.
Ne mburremi me jetën dhe veprën e Rexhep Malës dhe secilit shqiptar tjetër që ishte i rreshtuar në anën e drejtë të shqiptarëve.

You Might Also Like