Përfaqësuesja në Olimpiadën “Neo Science Olymiad”, në New York, pritet nga drejtoresha e Arsimit
Drejtoresha e Arsimit, e ka prit në takim nxënësen e klasës së gjashtë, Vesa Xhymshiti.
“Vesa na përfaqësoi denjësisht në Olimpiadën “Neo Science Olymiad”, e mbajtur në New York nga data 6 deri më 12 qershor”, tha Albana Demiri.
Sipas saj aty Vesa u shqua për suksesin e saj të jashtëzakonshëm. Pjesëmarrja e saj u shënua me triumfin e vendit të parë, në kategorinë “Best of the Best” në matematikë.
“Një arritje e shkëlqyer që dëshmon për aftësitë e saj të larta dhe përkushtimin ndaj shkencës”, tha Demiri.
Drejtoresha e Arsimit, shtoi se ajo gjithashtu u nderua me medaljen e argjendtë në fushën e shkencës, e cila tregon përpjekjet dhe angazhimin e saj të vazhdueshëm në studimin dhe aplikimin e dijeve shkencore.
Drejtoresha Demiri, tha se Vesa është një shembull frymëzimi duke demonstruar se me punë dhe përkushtim, ëndrrat mund të bëhen realitet.
