Shkruan: Sami Selishta, profesor
Këtë të premte, për nderë të 17-vjetorit të Pavarësisë së Kosovës në Gjimnazin Natyror “Xhavit Ahmeti” mysafirë pati nga Gjimnazi “Ismet Jashari” nga Likova me ekipin e djemve në volejboll dhe Gjimnazin “Skënderbeu” nga Presheva me ekipin e vajzave në Volejboll.
Për këtë ditë të shënuar të Pavarësisë së Kosovës, u zhvilluan dy ndeshje në dy kategori.
Vajzat e shkollës sonë e munden ekipin nga Presheva me rezultat 2:0 ne sete, ndërsa djemtë e shkollës sonë ishin më të mirë se ekipi i shkollës nga Likova po ashtu dhe fituan me rezultat 2:0.
Ndryshe nga gjimnazi i Likoves ishte drejtori Isni Aliji dhe dy mësimdhënës, ndërsa nga gjimnazi i Preshevës ishin prof. Ylber Haliti dhe dy mësimdhënës të tjerë tjerë.
Fillimisht mysafirëve nga Likova e Presheva mirëseardhje u ka dëshiruar, Berkim Mustafa drejtor i Gjimnazit Natyror “Xhavit Ahmeti”, i cili është angazhuar për thellim të bashkëpunimit të këtyre tri shkollave që gjenden në trekëndëshin kufitar, derisa edhe profesorët tanë të Kulturës Fizike dhe Sportit, Reshat Syla, Blerim Shala dhe Selami Haziri kanë në ujdi me kolegët e tyre që të vazhdojnë takimet e tilla dhe pse jo që të ketë edhe më tej vizita të ndërsjella.
Kjo ngjarje është prezantuar edhe nga Gjiminazi i Likovës, ku është thënë se ky gjimnaz ishte mysafirë në Gjilan në SHM Gjimnazi Matematiko-Natyrorë ” Xhavit Ahmeti”
Nxënësit patën rastin ta zhvillojnë një ndeshje volejbolli, ku u ndanë shumë të kënaqur nga mikpritja vëllazërore nga nxënësit e kësaj shkolle.
Një falemi nderim të madh për mikpritjen dhe respektin nga udhëheqësia e shkollës dhe mësimdhënësit e sportit.
