Bashkimi i Koretinit në luftën për mbijetesë ka shënuar një fitore të madhe këtë të dielë, duke e mundur Drenasin në fushë të vet. Me këtë fitore, ekipi nga Koretini ka shtuar gjasat që edhe në kampionatin që vjen të jetë pjesë e Ligës së Parë në Futboll.
Nga ekipet e Anamoravës edhe Vitia ka arritur një rezultat pozitiv duke barazuar me ekipin e favorizuar të Vllaznimit. Vitiasit edhe më tej janë në garë për një nga katër vendet e parë që mundëson lojën e barazhit.
Nga ekipet e Anamoravës këtë të dielë ka luajtur edhe Vllaznia e Pozharanit, e cila është përballë me Arbërinë dhe nga e cila ka humbur me rezultat 1:0. Vllaznia po lufton për mbijetesë.
Rezultatet:
Vëllaznimi – Vitia 1:1
Dukagjini – Istogu 2:1
Arbëria – Vllaznia 1:0
Drenasi – Bashkimi 0:1
