Mr. sc. Valdrin Shkodra çdo ditë e më shumë po dëshmon se, me anë të mjekësisë së nutricionit, po i rehabiliton pacientët e tij, duke i ndihmuar të largojnë problemet shëndetësore që i kanë pasur për një kohë të gjatë ose që kanë filluar të shfaqen së fundmi. Nutricioni është një shkencë që studion përbërjen, funksionin dhe efektin e ushqimeve në trupin e njeriut. Përmes tij mund të arrihet një stil jetese i balancuar që ndihmon në forcimin e sistemit imunitar dhe përmirësimin e performancës së përgjithshme trupore.
“Nëpërmjet nutricionit, pacientët mund të përmirësojnë cilësinë e jetës, duke parandaluar sëmundjet kronike, akute, menaxhuar shëndetin trupor dhe mendor dhe kontrolluar nivelin e energjisë,” shprehet Mr.sc. Shkodra.
Bota e mjekësisë po punon pa ndërprerë për të gjetur mënyra të reja për t’i ndihmuar pacientët me sëmundje të ndryshme. Sipas Mr.sc. Shkodrës, metodat miks që ai aplikon, aktivitetet sportive dhe akupunktura, e cila konsiderohet si mjekësia e së ardhmes, janë forma efektive të trajtimit.
Edhe pse vetëm 28 vjeç, Mr.sc. Valdrin Shkodra ka arritur të bëhet një emër i njohur në fushën e nutricionit dhe rehabilitimit fizik, te organeve gjithashtu aspektit mental. Ai ka dy vite që drejton ordinancën e tij.
“Qendra e Nutricionit dhe Ri-aftësimit Fizik”, “The Health Setter”, ku ka lënë gjurmë të pashlyera në jetën e shumë pacientëve që kanë gjetur shërimin nën kujdesin e tij. “Për të pasur sukses, jo vetëm në mjekësi, por në çdo fushë tjetër, është e domosdoshme të ndjekim dhe të bashkëpunojmë me ekspertët më të mirë botërorë. Teknologjia ka avancuar dhe këto mundësi i shfrytëzojmë maksimalisht për trajtimin e pacientëve tanë,” thekson ai.
Brenda këtyre dy viteve, Mr.sc. Shkodra ka arritur të diplomohet dhe certifikohet nga institucionet më të njohura botërore në fushën e mjekësisë. Ai ka fituar titullin PhD Candidate në fizioterapi, është certifikuar në Kiropraktikën Viscerale dhe Kiropraktikën Strukturore në Itali, Akupunkturën Muskuloskeletare në Kore, Mjekësinë Aziatike përmes akupunkturës nga Korea, PSSE nga Greqia, Cupping Therapy nga Zvicra dhe ka marrë shumë mirënjohje të tjera nga vende të ndryshme të botës, siç është nga njësia speciale e ushtrisë amerikane “Rangers Elite Force”, për terapinë që ka aplikuar për ta.
“Nëpërmjet këtyre studimeve kam pasur mundësinë të takoj emra të njohur të mjekësisë botërore, si profesorin e akupunkturës Jong Kook Baik, i cili është një nga konsulentët kryesorë ndërkombëtarë në këtë fushë, si dhe Dr. Giovanni Battista Bonfati nga Akademia Italiane, me të cilin u certifikuam në trajtimin e sistemit visceral të organeve kryesore si stomaku, mëlçia, veshkat, pankreasi dhe diafragma,” shprehet Mr.sc. Shkodra.
Ai gjithashtu ka marrë trajnim në teknikat më të avancuara për manipulimin e boshtit kurrizor nga osteopatët më të mirë në Itali, duke ndihmuar pacientët të largojnë dhimbjet muskuloskeletore dhe bllokimet trupore.
Fatkeqësisht, në Kosovë problemet me boshtin kurrizor dhe dhimbjet e rënda trupore janë shumë të zakonshme. Mr.sc. Shkodra thotë se ka pasur raste kur pacientët kanë vuajtur për vite të tëra, madje pa mundur të ngrihen nga shtrati, por pas trajtimeve të tij kanë arritur të ecin sërish.
“Jam jashtëzakonisht i lumtur kur e përcjell një pacient në shtëpi të shëruar dhe pa dhimbje,” shprehet ai.
Pavarësisht se kjo lloj mjekësie ende nuk është e njohur gjerësisht në Kosovë, Mr.sc. Valdrin Shkodra është i përkushtuar të jetë në shërbim të pacientëve 24 orë në ditë. Për të, kjo nuk është vetëm një profesion, por një mision i shenjtë, të cilin e ka nisur pas ndarjes nga jeta të nënës së tij dy vite më parë, e cila vuante nga kanceri.
“Jam betuar se çdo pacient që më kërkon ndihmë do ta ndihmoj me gjithë zemër dhe dijen time. Unë e di çfarë do të thotë të kesh dikë të sëmurë rëndë në familje dhe ndaj apeloj që të gjithë ata që kanë shqetësime shëndetësore të mos presin, por të kërkojnë ndihmë. Ne do t’ju tregojmë të vërtetën dhe do të bëjmë gjithçka që të largoheni të shëruar e të lumtur me familjet tuaja,” thotë ai.
Mr.sc. Valdrin Shkodra ka një porosi të veçantë për të gjithë qytetarët: të qëndrojnë larg drogës, duhanit, alkoolit, kripës së tepërt dhe sheqerit, duke u kujdesur për shëndetin e tyre. Ai këshillon që njerëzit të kalojnë më shumë kohë në natyrë, të shijojnë ajrin e pastër dhe hapësirat e gjelbra, si dhe të angazhohen në aktivitete rekreative, të cilat ndihmojnë në përmirësimin e mirëqenies fizike dhe mendore. Sipas Mr.sc. Shkodrës, një jetë e shëndetshme nuk ndërtohet vetëm me trajtime mjekësore, por edhe me zakone të mira të përditshme që forcojnë trupin dhe shpirtin.
Mr.sc. Valdrin Shkodra është një aset i çmuar jo vetëm për qytetin e Gjilanit, por për gjithë Kosovën. Me përkushtimin dhe njohuritë e tij të nivelit botëror, ai është një mjek tek i cili shumë pacientë kanë gjetur shpresën dhe shërimin e tyre.
