“Një amerikane në Kosovë 1981-1997”, është libri i autores amerikane Janet Reineck, vepër kjo që vë në pah mënyrën e jetesës së kosovarëve në një periudhë 16-vjeçare para luftës dhe që u promovua sot në prani të qytetarëve te shumtë vitias .
-Aktivistja humanitare Reineck, e cila qëndroi për tetë vjet në Kosovë midis viteve 1981-1997, thotë se libri që ajo ka shkruar është dhuratë për shqiptarët, të cilët ia hapën një botë të re.
Ajo të martën ka qëndruar në Viti ku nën organizimin e komunës është promovuar libri me përvojat e saj të aktivitetit humanitar që kishte në këtë qytet të lindje të vendit.
Fillimisht Reineck është pritur në zyrë nga kryetari i Vitisë, Sokol Haliti i cili e ka nderuar me mirënjohje për kontributin e saj për Vitinë e Kosovën.
Libri ka mbi 260 faqe, flet për përvojat e autores në Kosovë, gjatë kësaj periudhe, përvoja që ajo i përshkruan si odise të saj me një popull të vendosur në prag të luftës, të gatshëm të japin jetën për clirim nga pushtuesit serbë dhe për vetëvendosje dhe dashurinë e tyre për Amerikën.
Fotografi nga jeta e përditshme, dasmat, ndejat e shumëcka nga pritjet që I bënë asaj në shumë familje ku ka kapërcyer pragun e deres së tyre si dhe shumcka tjetër mund të gjenden në këtë libër.
Gjatë promovimit të librit të saj, Reineck u shpreh se librin ia ka dedikuar njerëzve jashtë Kosovës që duan të dinë më shumë për popullin shqiptar dhe traditat e tij, si dhe shqiptarëve, siç thotë ajo, si një mundësi për të rishikuar stilin tradicional të jetesës dhe për të mësuar rreth rajoneve të largëta që mund të mos i kenë vizituar kurrë.
“Është gjithashtu një shprehje e mirënjohjes, dashurisë dhe respektit të thellë që kam për popullin shqiptar dhe vendin e tij”, thotë ajo mes tjerash gjatë vizitës në Viti.Aziz Zuka
