Gjilani dhe Prishtina kanë ndarë pikët në një ndeshje që ka mundur të fitohet nga të dy palët. Në fund edhe gjilanasit edhe kryeqytetasit janë ndarë të kënaqur me ndarjen e pikëve.
Në pjesën e parë mysafirët i patën dy raste të mira, me Jonuzin dhe Thaçin, por rrejta e vendaseve ka ngelur e paprekur, kurse në pjesën e dytë raste më të mira shënimi pati Gjilani edhe pse mysafirët nuk ishin indiferent.
I pari që humbi një rast ishte Labinot Ibrahimi (Pri) që u tregua i pavëmendshëm brenda zonës, teksa shpërdoroi një mundësi ideale për të shënuar.
Rasti më i mirë në ndeshje ishte ai i minutës 63, kur Greca bukur shpërtheu nga e djathta, u fut në brendi dhe harkoi për mrekulli e Bushiq u shkëput mirë, gjuajti me kokë, por portieri i Prishtinës Visar Bekaj e ndali topin me maje të gishtërinjve.
Në minutën 72 Gerhard Progni (Gjil) gjendet i vetëm me Visar Bekaj, por dështon të realizojë, pasi që ai tentoi që të kalojë edhe portierin Bekaj, i cili sërish ishte i vëmendshëm.
Deri në fund edhe pse loja u shty për shtatë minuta, nuk pati ndonjë rast të mirë nga njëra apo pala tjetër, kështu që doli se rezultati i bardhë 0:0 ishte më reali.
Formacionet zyrtare:
Gjilani: Haxhihamza, Kastrati, Veliu, Kçiku, Ferreira, Keita Aziz, Useini, Jonuzi, Greca, Progni, Busiç. Kryetrajner: Gentjan Mezani
Prishtina: Bekaj, Thaqi, Ibrahimi, Bekteshi, Miftaraj, Bardhoku, Boshnjaku, Hila, Krasniqi, Abazi, Januzi. Kryetrajner: Armend Dallku.
Gjyqtarë: Tefik Maloku, Edmond Zeqiri, Fatmir Sekiraqa, Fatmir Tahiri
Stadiumi: “I qytetit” – Gjilan
