Gjilani dhe Dukagjini, të cilët përfunduan në pozitën tre dhe pesë në Superligën e Kosovës i kanë mësuar tashmë kundërshtarët e tyre për raundin e parë kualifikues në Ligën e Konferencës.
Sot (e martë), me fillim nga ora 15:00 është hedhur shorti në Nyon të Zvicrës, për raundet e para kualifikuese në garat evropiane.
Përveç Ballkanit, i cili do të ndeshet me Ludogorents në raundin e parë kualifikues të Ligës së Kampionëve, sot kundërshtarët i mësuan edhe Gjilani dhe Dukagjini, në kuadër të raundit të parë kualifikues të Ligës së Konferencës.
Kështu, i pari që mësoi kundërshtarin ishte Gjilani, i cili do të ndeshet me Progres Niederkorn të Luksemburgut, ndërsa Dukagjini do përballet me Europa FC të Gjibraltarit.
Ndeshjet e raundit të parë kualifikues me dy ndeshje në Ligën e Konferencës do të zhvillohen më 13 dhe 20 korrik.
Në anën tjetër, Drita pritet ta mësoj nesër kundërshtarin, pasi i fillon garat nga raundi i dytë kualifikues i Ligës së Konferencës.
