Barazim befasues i Dritës në udhëtim te Feronikli 74 në Drenas. Drita e nisi ndeshjen si favorite, por megjithatë nuk e gjetën rrjetën për asnjë moment, e në fund ndeshja u mbyll 0-0. Kjo ishte ndeshja e dytë me radhë që Drita lëshon pikë në Superligë. Ndonëse më kërkuese ishte skuadra e Dritës, pjesa e parë u mbyll pa gola.
Njëjtë si pjesa e parë, as pjesa e dytë nuk prodhoi gola dhe skuadrat u detyruan të pajtohen që pikët të ndahen.
Vlen të përmendet paraqitja fantastike e Davide Borsellinit, portierit të Niklit, që sot e shpëtoi disa herë portën e skuadrës së tij. Njëkohësisht, për Niklin kjo ishte ndeshja e parë sezonale e mbyllur pa pësuar gol.
Xhiron që vjen, Drita ka punë në udhëtim te Malisheva, e Nikli e pret Ferizajin.
