Në prag të ndeshjes së 28-të kampionale, FC DRITA ka mbajtur konferencën për media, ku u paraqitën kryetrajneri, Ardian Nuhiu dhe futbollisti, Përparim Islami.
Rreth takimit të nesërm KF Feronikeli – FC DRITA, kryetrajneri Nuhiu theksoi se janë bërë të gjitha përgatitjet dhe pikët janë të rëndësishme nga secila ndeshje.
“Nesër na pret një përballje e rëndësishme dhe do të qasemi me seriozitetin më të madh. Skuadra kundërshtare po luan me futbollistë të rinj, por ata çdo ditë nga java në javë po fitojnë eksperiencën tyre superiore. Ne do të qasemi me seriozitetin më të madh, sepse e dijmë se sa të rëndësishme janë këto tri pikë, janë po të njejta sikur të fitosh ndaj skuadrave të tjera. Pavarësisht, vështirësive që ka kundërshtari dhe nëse mendon se mund të fitosh lehtë, ndeshjet dijnë të jenë të vështira. Prandaj, ne do t’i rrespektojmë kundërshtarin dhe veten dhe t’i marrim tri pikë. Jemi në fazën finale, ku nuk kemi të drejtë të gabojmë dhe të jemi në garë deri në fund”, ka thënë trajneri, Nuhiu.
Ndërsa, futbollisti Përparim Islami theksoi se tri pikë janë të vlefshme dhe për të marrë fitoren duhet ta vlerësojmë skuadrën tonë, por dhe kundërshtarin.
“Nesër e kemi ndeshjen me një skuadër që duhet vlerësuar, duke rrespektuar kundërshtarin duhet ta vlerësojmë edhe ekipin tonë. Tri pikë janë shumë të vlefshme për skuadrën tonë që të vazhdojmë ecurinë pozitive. Motivi është i njejtë, ne shkojmë për fitore, sepse tri pikë janë të njejta si me Feronikelin si me skuadra tjera me Ballkanin apo Gjilanin”, ka potencuar Islami.
Kryetrajneri, Ardian Nuhiu njoftoi se nesër për DRITËN do të mungojnë Ardian Cuculi, Ilir Blakçori dhe Almir Ajzeraj për shkak të kartonëve, ndërsa varësisht nga ecuria e lojës do të mund të inkuadrohen edhe futbollistë të rinj.
“Duhet të gjejmë rrugën, kemi përgatitur skuadrën me iden që ta fitojmë këtë ndeshje. Nuk guxojmë të eksprimentojmë, por duke parë ndeshjen sigurisht që do të ketë minuta edhe për futbollistët e rinj. Gjithë ata që do të paraqiten përqendrimi duhet të jetë në maksimum”, përfundoi Nuhiu.
Konferencën e plotë mund ta ndiqni në profilin zyrtar të klubit, https://fb.watch/chctCHnxg1/
Ndeshja KF Feronikeli – FC DRITA zhvillohet nesër, e diele ora 14:00, në stadiumin “Rexhep Rexhepi” në Drenas.
