11 nëndegë kundërshtojnë emërimet në PDK-në e Kamenicës

Ky është reagimi i plotë:

Nga Nëndegët dhe Anëtarët e kryesisë së PDK-së: 1.Roganë 2.Hodonoc 3.Muqivërc 4.Koretin 5.Hogosht 6.Koperrnicë 7.Dajkoc 8.Karaqevë 9.Poliqkë 10.Petrovc 11.Shipashnicë e Epërme.

Ndaj zhvillimeve në degën e PDK-së në Kamenicë.

Është i papranueshëm dhe për keqardhje vendimi i Kryesisë së PDK-së në qendër për emërimin e kryetarit dhe kryesisë në degën e PDK-së në Kamenicë.

Kryesia qendrore e PDK-së duke u thirrur në nenin 31 të statutit të partisë me një vendim arbitrar dhe të njëanshëm ka bërë emrime, duke injoruar nëndegët, kryesinë dhe antarësinë e Partisë Demokratike dega në Kamenicë.

Nëndegët e lartëpërmendura dhe antarët e kryesisë së degës, me shkresë zyrtare, kemi kundërshtuar në mënyrë kategorike këtë formë të emrimit të kryetarit të degës, kundrejt qendrës e cila e ka injoruar këtë kërkesë pa dhënë ndonjë përgjigje konkrete.

I bëjmë me dije, anëtarëve dhe simpatizantëve të PDK-së dega në Kamenicë se ky emërim i kryetarit ka ardhur nga ndikimet direkte të Valmir Klaiqit dhe disa individëve tjerë, të cilët për interesa personale, tash e sa kohë shpërndajnë dezinformata ndaj aktivistëve dhe veprimtarëve të dalluar të partisë.

Vendimi i arbitrar dhe i njëanshëm ka pasoja dhe është i dëmshëm për të ardhmen e partisë.

Andaj, pos kërkesës që vendimi të anulohet, duhet të krijohen edhe disa kushte, që sa më parë dega e PDK-së në Kamenicë të shkoj në zgjedhje të mbrendëshme, ku strukturat me votë të lirë do nxjerrin organet drejtuese të partisë.

Pa një proces votimi, të emruarit nuk kanë legjitimitet dhe si të tillë nuk do njihen nga ne, nëndegët e lartëpërmendura.

By Kryelajmi

You Might Also Like