Janë mbyllur dy ndeshjet e para të xhiros së 22-të në Albi Mall Superligë.
Ferizaj ka marrë fitore të artë ndaj Dritës, pasi e ka mposhtur me rezultat 2-1.
Në fakt mysafirët ishin të parët në epërsi me golin e Kastriot Selmanit, por që Drita u mposht nga ish-lojtarët e tyre që dhuruan paraqitje spektakolare.
Ishte mbrojtësi Ergon Hyseni që barazoi shifrat në 1-1, derisa Betim Haxhimusa shënoi për 2-1 pesë minuta para fundit të ndeshjes.
Fitore të madhe ka marrë edhe Malisheva, që ka mposhtur Drenicën 3-1.
Ronald Sobowale, Drilon Hazrollaj dhe Adem Maliqi realizuan golat për skuadrën vendase.
Derisa golin e vetëm për Drenicën e shënoi Abazi.
