Orari i xhiros së 15-të.
E SHTUNË
Dukagjini – Malisheva 13:00
Trepça ’89 – Drenica 13:00
Prishtina – Gjilani 18:00
E DIEL
Drita – Ballkani 13:00
Llapi – Ferizaj 13:00
Në fundjavë zhvillohet xhiro e 15-të e Albi Mall Superligës së Kosovës, ku do të ketë përballje tejet interesante.
Të shtunë zhvillohen tri ndeshje, ku spikat derbi Prishtina – Gjilani i cili luhet në stadiumin “Fadil Vokrri”.
Kryeqytetasit në rast të fitores do të ngjiteshin në vendin e tretë në tabelë, pozitë.
Por, edhe gjilanasit udhëtojnë të motivuar pas fitores në xhiron e fundit ndaj Dukagjinit.
Derbi i javës në elitën e futbollit kosovar zhvillohet të dielën në Gjilan, ku lideri Drita e pret Ballkanin e vendit të dytë.
Bardhekaltrit synojnë rikthimin te fitoret pas humbjes së rëndë nga Llapi në Podujevë.
Në anën tjetër, portokallinjtë humbjen e vetme në këtë edicion e kanë pësuar nga Drita dhe do të kërkojnë që në Suharekë të rikthehen me pikët e plota.
