SC Gjilani, që po zhvillon fazën përgatitore në Bansko të Bullgarisë, këtë të mërkurë do t’a zhvillojë ndeshjen e dytë miqësore, ku përballë do ta ketë ekipin nga elita e futbollit izraelit Bnei Sakhnin. Kjo ndeshje do të zhvillohet në Stadiumin Simitli Stadium dhe ku trajneri Ardian Nuhiu do të ketë mundësinë të shoh formën e ekipit të tij.
Kjo është kontrolluesja e dytë e SC Gjilani, që disa ditë më parë u përballë me ekipin e njohur bullgar CSKA nga Sofje, nga i cili u mposht me rezultat 0:1 pas një penaltie tejet të dyshimtë që u dha për ekipin bullgar./kryelajmi.com/.
