Në palestrën e Sporteve ,,Bashkim Selishta-Petriti” në Gjilan u mbajtën garat komunale në Futsall për shkollat e mesme të ulëta dhe të larta.
Në mesin e gjithsej 20 ekipeve të meshkujve, konkurrenca ishte e jashtëzakonshme nga të gjithë nxënësit .
Finalistë dolën nxënësit më të mirë të SHFMU “Thimi Mitko” Gjilan, që udhëhiqen nga profesori i Kulturës Fizike dhe Sportit Shpend Sylejmani, i cili u dallua për angazhimin e vazhdueshëm me nxënës për të arritur deri në finale, si dhe nxënësit e mrekullueshëm që bëjnë krenarë çdoherë me edukatën, disiplinën dhe fitoret e arritura.
Gjithashtu, një falënderim të veçantë kemi për mësimdhënësen e gjuhës angleze znj. FatmireMaloku cila dhuroi fanelat për ekipin e SHMU “Thimi Mitko”, të cilat i bënë të duken edhe më bukur nxënësit, e po ashtu edhe ta fitojnë vendin e parë në këto gara komunale.
Ekipit tonë fitues i dëshirojmë suksese në garat regjionale dhe republikane
