Është pensionuar mēsimdhënësja Mevlyde Zejnullahu, e cila sot ka arritur moshën 65-vjeçare, pas 36 viteve punë në arsim.
Mevlyde Zejnullahu ka qenë edhe këshilltare komunale në një mandat.
Atë e ka uruar djali Labinoti.
Sot pas një karriere mbi 36 viteve si mësimdhënëse, po e përmbyll një kapitull që ka lënë gjurmë të thella në jetët e shumë nxënësve dhe kolegëve.
Kohëra të ndryshme, jo të lehta dhe me plot sfida mirëpo të gjithë kemi mësuar nga pasioni yt, durimi dhe dashuria ndaj punës dhe jetës.
Profesioni i mësimdhënësit është profesion fisnik dhe bujar, profesion i shenjtë që edhe njeriun i cili i shërben atij e shëndërron në të tillë.
Ti i shërbeve aq gjatë me përkushtim dhe çiltërsi prandaj jemi krenar dhe me kokën lartë mburremi për ty.
Tani, kapitulli i ri po fillon në jetën tënde dhe uroj që pensionimin ta gëzosh me respektin, edukatën dhe kulturën që e ke lënë pas sepse ato do të jetojnë përgjithmonë.
Falemnderit për dashurinë e dhënë gjatë krejt këtyre viteve, dhe shpresoj që edhe për shumë gjatë të jesh pranë nesh.
