FC Drita ka shënuar fitore në dy ndeshjet që ka zhvilluar ndaj ekipit islandez Bredibalik me rezultat 2:1, gjegjësisht 1:0, që ishte e vlefshme për xhiron e dytë të Europa Conference League.
Kësaj radhe ekipi gjilanas pos që u tregua shumë i kujdesshëm, ishte edhe me fat në short dhe një gjë e tillë duket se do t’a përcjellë edhe në xhiron e tretë.
Në dukje në rundin e tretë, Drita do të ketë kundërshtar relativisht të lehtë. Ekipi që kualifikohet mes Audas të Letonisë dhe Cliftonvilleit të Irlandës së Veriut luan me FC Dritën.
Ndeshja ndërmjet Auda dhe Cliftonville do të zhvillohet nesër me fillim në ora 17 dhe ekipi letonez futet në lojë si favorit, ngase pos që luan në fushë të vet, Auda ka fitoren edhe nga ndeshja e parë me rezultat 2:1. /kryelajmi.com/.
