Gjilan – Nënkryetari i Lidhjes Demokratike të Kosovës, njëherit kryetar i Degës dhe i Komunës së Gjilanit, Lutfi Haziri, ka pritur sot në takim përfaqësuesit e Degës së LDK’së për Beneluks, përkatësisht Bahtir Kastrati – kryetar, i cili shoqërohej nga Remzi Azemi dhe Xhevdet Tafilaj.
Me këtë rast, nënkryetari Haziri i ka përgëzuar ata për punën e madhe që po bëjnë atje, mobilizimin dhe unitetin e jashtëzakonshëm të strukturave.
Nga ana e tyre, përfaqësuesit e Degës së LDK’së për Beneluks, kanë falënderuar nënkryetarin Haziri për pritjen miqësore, ndërsa i kanë ndarë mirënjohje në shenjë falënderimi për kontributin e dhënë për LDK dhe për lirinë e Kosovës.
Me këtë rast, nënkryetari i LDK’së e ka falënderuar kryetarin e Degës për Beneluks, Bahtir Kastrati për këtë vlerësim të lartë për figurën e tij.
