Tashmë janë mësuar 16 skuadrat e kualifikuara në 1/8 e finales së Kupës së Kosovës.
Ballkani është ekipi i fundit që sot siguroi “biletën” për fazën e ardhshme të Kupës, pasi mposhti 1-3 Phoenixin e Ligës së Parë.
Shtatë skuadra nga elita e futbolli kosovar janë në mesin e 16 më të mirave.
Në 1/8 e finales janë kualifikuar edhe shtatë skuadra nga Liga e Parë, teksa dy të tjera kanë shënuar sukses të madh, duke arritur kualifikimin nga Liga e Dytë.
Kjo është lista e plotë e skuadrave që kanë arritur në 1/8 e finales së Kupës së Kosovës.
Superliga: Llapi, Dukagjini, Malisheva, Trepça ’89, Gjilani, Prishtina, Ballkani.
Liga e Parë: Feronikeli 74, Vushtrria, Vjosa, Flamurtari, A&N, Fushë Kosova, Liria.
Liga e Dytë: Prizreni, Behari.
