Posatim i plotë i Alban Hysenit, kryetar i Komunës së Gjilanit
Të dashur qytetarë,
Ju njoftoj se faqja zyrtare e Komunës së Gjilanit në facebook, e cila menaxhohet nga Zyra për Informim, ka rreth 3 javë që është hakuar dhe ende nuk është aktive. Kjo, fatkeqësisht ka krijuar huti tek qytetarët në mungesë të njoftimeve të zakonshme për aktivitetet tona.
Sulmet e këtij niveli flasin shumë për demokracinë dhe nivelin e individëve e grupeve të caktuara, se çka janë në gjendje të bëjnë për qëllimet e tyre dashakeqe për vendin dhe popullin tonë.
Këtë problem e kemi raportuar tek organet kompetente të hetuesisë dhe po punojmë që ta rikthejmë sa më shpejtë. Deri atëherë, ju sugjerojmë që t’i referoheni faqeve të drejtorive komunale.
Ju faleminderit për mirëkuptimin.
